Abzaydin Hamidownu şiʼruları ol ata yurtu Töben Qazanışdağı orta şkolada oxuyğan yıllarında rayon gazetde çıqma başlahan. Şondan berli yazılğan lirika, proza, drama asarların, Dağıstan kitap izdatelstwoda çıqğan kitaplarından saylanıp alınğan şiʼruların, Qumuq teatrda salınğan drama asarların qurşamaq bulan, awtor hali özünü saylamlı asarlarını ayrıça tomların basmadan çığarıp tura.
1-nçi tomda — onu türlü-türlü temalarda yazılğan 22 poeması, 80-den de artıq dörtlügü yerleşdirilgen.
2-nçi tomda — "Namus wa süyüw", "Qaçaqlar" degen romanları, powestleri yerleşdirilgen.
3-nçü tomda — "Qıpçaq xan" degen draması, masalları, balladaları, yaşar uçun yazılğan şiʼruları aslu yer tutğan.
4-nçü tom — "Şayıx Abdurahman Suguri" degen poeması bulan açıla. Munda 17-nçi asrudahı nemes adabiyatnı klassigi Paul Flemmiñ "Dağıstan şiʼruları" degen kitabından göçürgen şiʼruları, yaşlar uçun yazılğan "Ajdahanı süyüwü" degen pyesa-yomahı, "Kökleni sahatı toqtamay" degen melodraması bulan yanaşa dörtlükleni bölükleri de bar.
5-nçi tomda — "Qısmat" degen poeması, "Amina" degen draması, satira wa yumor şiʼruları aslu yer tutğan.
6-nçı tomda — "Ata bulan yoluğuw" degen poema, "Ol ölmegen" degen drama, balladalar, süyüw wa patriot lirika asarlar, köp sanawda dörtlükler wa türlü türlü temalarda yazılğan köp sanawda özge asarlar yerleşdirilgen.